Ұлттық статистика бюросы
Қазақстан Республикасы Стратегиялық жоспарлау және реформалар агенттігі
2023 жылғы 1 қазанға облыстағы халық саны 788,3 мың адамды құрады, соның ішінде қалалықтар – 444,8 мың адам (56,4%), ауылдықтар – 343,5 мың адам (43,6%).
2023 жылғы қаңтар-қыркүйекте халықтың табиғи өсімі 3245 адамды құрады (өткен жылғы сәйкес кезеңде – 3223 адамды құраған). 2023 жылғы қаңтар-қыркүйекте жаңа туған сәбилер саны 2022 жылғы қаңтар-қыркүйекке қарағанда – 4,4% кем, өлгендер – 7,3% кем тіркелді.
Көші-қонда жағымсыз айырым қалыптасып, -2924 адамды құрады (2022 жылғы қаңтар-қыркүйекте – -2919 адам), соның ішінде сыртқы көші-қонда – -548 адам (-1041 адам), ішкі көші-қонда – -2376 адам (-1878 адам).
2023 жылғы II тоқсанда халықтың орташа жан басына шаққанда атаулы ақшалай табыстары бағалау бойынша 163240 теңгені құрады. Атаулы ақшалай табыстар 2022 жылғы II тоқсанмен салыстырғанда 22,9% өсіп, нақты ақшалай табыстар 5% көбейді.
Тұтыну бағасының индексі 2023 жылғы қазанда 2022 жылғы желтоқсанмен салыстырғанда 109,4% құрады, соның ішінде азық-түлік тауарларға бағалар – 108,4%, азық-түлік емес тауарларға – 108,6%, халыққа арналған ақылы көрсетілетін қызметтерге – 112,3%. Өнеркәсіп өнімдеріне өндіруші кәсіпорындар бағасы 2023 жылғы қазанда 2022 жылғы желтоқсанмен салыстырғанда 4,7% артты.
2023 жылғы III тоқсанда жұмыссыздар саны бағалау бойынша 20,6 мың адамды құрады. Жұмыссыздық деңгейі жұмыс күші санына 4,8% құрады. Жұмыспен қамту органдарында жұмыссыздар ретінде тіркелген адамдар саны 2023 жылғы қазанның соңында 5,8 мың адамды құрады немесе жұмыс күшіне 1,3%.
2023 жылғы III тоқсанда бір жұмыскердің орташа айлық атаулы жалақысы (есепті кезеңде есеп берген кәсіпорындар шеңбері бойынша, шағын кәсіпорындарды қоспағанда) 291772 теңгені құрады, бұл 2022 жылғы сәйкес кезеңнің деңгейінен 17,6% жоғары.
Жалпы өңірлік өнім (ЖӨӨ) 2023 жылғы қаңтар-маусымда 1462631,5 млн. теңге құрады. ЖӨӨ көлемінің нақты өзгеруінің индексі 2022 жылғы қаңтар-маусымға 109,3% құрады. Облыстың ЖӨӨ көлемінде ең жоғары үлестік салмағын өнеркәсіп – 34,9%, жылжымайтын мүлікпен операциялар – 10%, көтерме және бөлшек саудада сату; автомобильдер мен мотоциклдерді жөндеу – 9,8% алып тұр.
2023 жылғы қаңтар-қазанда өнеркәсіптік өндіріс көлемі қолданыстағы бағамен 1416992,4 млн. теңге, өнеркәсіп өндірісінің индексі 113,4% құрады. 2022 жылғы тиісті кезеңге тау-кен өндіру өнеркәсібі және карьерлерді қазуда өнеркәсіп өндірісінің индексі 121%, өңдеуде – 111,3%, электр энергиясымен, газбен, бумен, ыстық сумен және ауаны кондициялаумен жабдықтауда – 120,1%, сумен жабдықтау; қалдықтарды жинау, өңдеу және жою, ластануды жою бойынша қызметінде – 95,6% құрады.
Ауыл, орман және балық шаруашылығының 2023 жылғы қаңтар-қазандағы жалпы өнімдерінің (қызметтер) көлемі 666961,3 млн. теңгені құрады немесе 2022 жылғы сәйкес кезеңмен салыстырғанда 26,7% азайды.
Құрылыс жұмыстарының (көрсетілген қызметтердің) көлемі 197861,4 млн.теңгені құрап, 2022 жылғы қаңтар-қазан деңгейіне 100,4% құрады.
2023 жылғы қаңтар-қазанда жүк айналымының көлемі 22200,8 млн. т-км (коммерциялық жүк тасымалдаумен айналысатын жеке кәсіпкерлердің жүк айналымы көлемінің бағалауы есебімен) құрап, 2022 жылғы қаңтар-қазанмен салыстырғанда 15% азайды. Жолаушылар айналымының көлемі 1079,3 млн. ж-км құрап, 17% азайды.
2023 жылғы қаңтар-қазанда бөлшек сауда көлемі 354856,4 млн. теңгені құрады немесе 2022 жылғы сәйкес кезеңмен салыстырғанда 5% артты.
Көтерме сауда көлемі 2023 жылғы қаңтар-қазанда өткен жылғы сәйкес кезеңге 98% немесе 570121 млн. теңгені құрады.
2023 жылғы қаңтар-қыркүйекте алдын ала деректер бойынша ЕАЭО елдерімен өзара сауда 489671,4 мың АҚШ долларын құрап, 2022 жылғы сәйкес кезеңмен салыстырғанда 8,1% артты, оның ішінде экспорт – 132406,9 мың АҚШ доллары (3,4% артық), импорт – 357264,5 мың АҚШ доллары (3,8% азайды).
Тіркелген заңды тұлғалар саны 2023 жылғы 1 қарашадағы жағдай бойынша 15102 бірлікті құрап, өткен жылғы сәйкес кезеңдегімен салыстырғанда 0,4% азайды, оның ішінде 100 адамнан кем қызметкерлері барлар 14773 бірлік. Жұмыс істеп тұрған заңды тұлғалар саны 12237 бірлікті құрады, оның ішінде шағын кәсіпорындар 11912 бірлікті құрады. Облыста тіркелген шағын және орта кәсіпкерлік кәсіпорындар (заңды тұлғалар) саны 11748 бірлікті құрап, өткен жылғы сәйкес кезеңмен салыстырғанда 0,4% артты.
