Халық саны және көші-қоны

2026 жылғы 1 шілдеге Астана қаласындағы халық саны 1682721 адамды құрады.

2026 жылғы қаңтар-маусымда халықтың табиғи өсімі 10157 адамды құрады (өткен жылғы сәйкес кезеңде - 10011 адамды құраған). 2026 жылғы қаңтар-маусымда жаңа туған сәбилер саны 2025 жылғы қаңтар-маусымға қарағанда – 1,9% көбейгені, өлгендер - 3,3% көбейгені тіркелді.

Көші-қонда жағымды айырым қалыптасып, 33388 адамды құрады (2025 жылғы қаңтар-маусымда - 37623 адам), соның ішінде сыртқы көші-қонда 723 адам (802 адам), ішкі көші-қонда - 32665 адам (36821 адам).

Еңбек

2026 жылдың II тоқсанында жұмыссыздар саны 34053 адамды құрады.

Жұмыссыздық деңгейі жұмыс күшіне қарағанда 4,2% құрады.

2026 жылдың 1 сәуіріне жұмыспен қамту органдарында жұмыссыздар ретінде тіркелгендер саны 5534 адамды құрады.

2026 жылғы I тоқсанында қызметкерлерге есептелген (кәсіпкерлік қызметпен айналысатын, шағын кәсіпорындарсыз), орташа айлық атаулы жалақы 609725 теңгені құрады.

Нақты жалақы индексі 2026 жылдың I тоқсанында 2025 жылдың тиісті тоқсанымен салыстырғанда 98,1 % құрады.

Салалық статистика

2026 жылғы қаңтар-шілдеде өнеркәсіп өндірісінің көлемі қолданыстағы бағамен 2547197,4 млн. теңгені құрады, бұл 2025 жылғы қаңтар-шілдемен салыстырғанда 11,3% көп.

Өңдеу өнеркәсібінде – 9,7% өсті, электр энергиясымен, газбен, бумен, ыстық сумен және кондиционерленген ауамен жабдықтауда – 31,4%, сумен жабдықтауда, қалдықтарды жинауда, өңдеуде және жоюда, ластануды жою жөніндегі қызметте – 35,6% өсті.

2026 жылғы қаңтар-шілдеде ауыл, орман және балық шаруашылығы өнімдерінің (қызметтерінің) жалпы шығарылымын 1806,6 млн. теңгені немесе 2025 жылғы қаңтар-шілдемен салыстырғанда 98,7% құрады.

2026 жылғы қаңтар-шілде жүк айналымының көлемі 25101,7 млн. ткм (коммерциялық жүк тасымалдаумен айналысатын жеке кәсіпкерлердің жүк айналымы көлемінің бағалауы есебімен), немесе 2025 жылғы қаңтар-шілдеге 106,5% құрады.

Жолаушылар айналымының көлемі 10163,6 млн. жкм, немесе 2025 жылғы қаңтар-шілдеге 97,6% құрады.

Құрылыс жұмыстарының (қызметтерінің) көлемі 708,2 млрд. теңгені немесе 2025 жылғы қаңтар-шілдемен салыстырғанда 103,4% құрады.  

2026 жылғы қаңтар-шілдеде пайдалануға берілген тұрғын үйлердің жалпы алаңы 0,5% көбейді, 2201 мың шаршы метрді құрады, оның ішінде көппәтерлі тұрғын үйлер – 3,1% (2153,1 мың шаршы метр). Бұл ретте пайдалануға берілген жеке тұрғын үйлердің жалпы алаңы 36,1% (47,9 мың шаршы метр) ұлғайды.

2026 жылғы қаңтар-шілдеде негізгі капиталға салынған инвестициялар көлемі 1294,7 млрд. теңгені немесе 2025 жылғы қаңтар-шілдемен салыстырғанда 102,7% құрады.

Тіркелген заңды тұлғалар саны 2026 жылғы 1 тамыздағы жағдай бойынша 104994 бірлікті құрап, өткен жылғы сәйкес кезеңдегімен салыстырғанда 2%, азайды, оның ішінде 100 адамнан кем қызметкерлері барлар 104122 бірлік. Жұмыс істеп тұрған заңды тұлғалар саны 82478 бірлікті құрады, оның ішінде шағын кәсіпорындар 81608 бірлік құрады. Қалада тіркелген шағын және орта кәсіпкерлік кәсіпорындар (заңды тұлғалар) саны 92383 бірлікті құрап, өткен жылғы сәйкес кезеңмен салыстырғанда 4,1% азайды.

Экономика

2026 жылғы қаңтар-наурыздағы жалпы өңірлік өнім көлемі қолданыстағы бағамен 4248346 млн. теңгені құрады. 2025 жылғы қаңтар-наурызбен салыстырғанда нақты ЖӨӨ 8,9% өсті. ЖӨӨ құрылымында тауарларды өндіру үлесі 19,5%, қызметтер көрсету – 69,7% құрады.

Тұтыну бағасының индексі 2026 жылғы шілдеде 2025 жылғы шілдеге 109,8% құрады. Бағалар азық-түлік тауарларына 9,4%, азық-түлік емес тауарларға - 11,1%, халыққа көрсетілетін ақылы қызметтерге – 9,7% өсті.

2026 жылдың шілдеде 2025 жылғы шілдеге өндіруші кәсіпорындардың өнеркәсіп өнімдерінің бағалары 6,2% қымбаттады.

2026 жылғы қаңтар-шілдеде бөлшек сауда көлемі 1979482,7 млн.теңгені құрады, бұл 2025 жылғы қаңтар-шілдеге 104% құрады.

 2026 жылғы қаңтар-шілдеде көтерме сауда көлемі 4134657,8 млн. теңгені құрады, 2025 жылғы қаңтар-шілдемен салыстырғанда 101% .

Алдын ала деректер бойынша 2026 жылғы қаңтар-маусымда ЕАЭО елдерімен өзара сауда 2975,6 млн. АҚШ долларын құрап, 2025 жылғы қаңтар-маусыммен салыстырғанда 22,9% көбейді, оның ішінде экспорт 323,2 млн. АҚШ долларын (18,7% азайды), импорт – 2652,4 млн. АҚШ долларын құрады (31% көп).