Халық саны және көші-қоны

2026 жылғы 1 сәуірге облыс халқының саны 1214,5 мың адамды құрады, соның ішінде қалалықтар – 587,5 мың адам (48,4%), ауыл тұрғындары – 627 мың адам (51,6%).

Халықтың табиғи өсімі 2026 жылғы қаңтар-наурызда 3196 адамды құрады (өткен жылдың сәйкес кезеңінде – 3457 адам).

2026 жылғы қаңтар-наурызда туылғандар саны 4773 адамды құрады (2025 жылғы қаңтар-наурызымен салыстырғанда 6,9% азайды), қайтыс болғандар саны 1577 адамды құрап (2025 жылғы қаңтар-наурызымен 5,7% азайды).

Көші-қонның теріс айырмасы -4351 адаммен қалыптасып (2025 жылғы қаңтар-наурызда – -4748 адам), оның ішінде сыртқы көші-қонда оң көші-қон айырмасы 56 адам (-52), ішкі көші-қонда теріс көші-қонның айырмасы – -4407 адам (-4696 адам).

Еңбек және табыс

2026 жылғы I тоқсанда жұмыссыздар саны 25170 адамды құрады.

Жұмыссыздық деңгейі жұмыс күшіне қарағанда 4,8%.

2026 жылғы 1 мамырға жұмыспен қамту органдарында жұмыссыздар ретінде тіркелгендер саны 16979 адамды құрады немесе жұмыс күшінің санына 3,2% болып қалыптасты.

2026 жылғы I тоқсанда қызметкерлерге есептелген (кәсіпкерлік қызметпен айналысатын, шағын кәсіпорындарсыз), орташа айлық атаулы жалақы 328952 теңгені құрап, өсім 2025 жылғы I тоқсанға 6,5% құрады.

2026 жылғы I тоқсанда нақты жалақы индексі 95,6% болып қалыптасты.

2025 жылғы IV тоқсанда облыс халқының  орташа жан басына шаққандағы атаулы ақшалай табысы бағалау бойынша 172382 теңгені құрады. 2024 жылғы IV тоқсанға қарағанда 9,1% жоғары, аталған кезеңге нақты ақшалай табыстың өсу қарқыны – 97,6%.

Салалық статистика

2026 жылғы қаңтар-сәуірде өнеркәсіп өндірісінің көлемі қолданыстағы бағамен 471323,6 млн. теңгені құрады, бұл 2025 жылғы қаңтар-сәуірімен салыстырғанда 20,6% өсті.

Тау-кен өндіру өнеркәсібінде өндіріс көлемі 14,5%, өңдеу өнеркәсібінде – 28,7%, электр энергиясымен, газбен, бумен, ыстық сумен және кондиционерленген ауамен жабдықтауда – 4%, сумен жабдықтауда; су бұруда; қалдықтарды жинауда, өңдеуде және жоюда, ластануды жою бойынша қызметте – 16% артты.

2026 жылғы қаңтар-сәуірде ауыл шаруашылығы өнімдерінің (қызметтерінің) жалпы шығарылымы 65086,3 млн. теңгені немесе 2025 жылғы қаңтар-сәуірімен салыстырғанда 102,3% құрады.

2026 жылғы қаңтар-сәуірде көліктің барлық түрлерінің жүк айналымы 7091,3 млн. ткм құрады (коммерциялық тасымалдаумен айналысатын жеке кәсіпкерлердің орындаған жүк айналымын бағалау есебімен) немесе 2025 жылғы қаңтар-сәуірімен салыстырғанда 85,9% құрады.

Жолаушы айналымы 726 млн. жкм құрады немесе 2025 жылғы қаңтар-сәуірімен салыстырғанда 119,9% құрады.

Құрылыс жұмыстарының (қызметтерінің) көлемі 74816,3 млн. теңгені немесе 2025 жылғы қаңтар-сәуірімен салыстырғанда 127,3% құрады.               

2026 жылғы қаңтар-сәуірде пайдалануға берілген тұрғын үйлердің жалпы алаңы 1,8% өсіп, 176,3 мың шаршы метрді құрады, олардан пайдалануға берілген жеке тұрғын үйлердің жалпы алаңы – 2,1% (110,7 мың шаршы метр) өсіп, ал көппәтерлі тұрғын үйлер – 4,4% (65,6 мың шаршы метр).

2026 жылғы қаңтар-сәуірде негізгі капиталға салынған инвестициялар көлемі 277228,3 млн. теңге немесе 2025 жылғы қаңтар-сәуірімен салыстырғанда 138,3% құрады.

Тіркелген заңды тұлғалар саны 2026 жылғы 1 мамырдағы жағдай бойынша 14365 бірлікті құрап, өткен жылғы сәйкес күнімен салыстырғанда 6,2% азайды, оның ішінде 100 адамнан кем қызметкерлері барлар 13952 бірлік. Жұмыс істеп тұрған заңды тұлғалар саны 12300 бірлікті құрады, оның ішінде шағын кәсіпорындар 11887 бірлік құрады. Облыста тіркелген шағын және орта кәсіпкерлік кәсіпорындар (заңды тұлғалар) саны 11262 бірлікті құрап, өткен жылғы сәйкес кезеңмен салыстырғанда 7,2% азайды.

Экономика

2025 жылғы қаңтар-желтоқсандағы жалпы өңірлік өнім көлемі қолданыстағы бағамен 3322177 млн. теңгені құрады. 2024 жылдың қаңтар-желтоқсанымен салыстырғанда нақты ЖӨӨ 4,9% өсті. ЖӨӨ құрылымында тауарларды өндіру үлесі 44,1%, қызметтер көрсету – 53,9% құрады.

Тұтыну баға индексі 2026 жылдың сәуірінде 2025 жылғы желтоқсанмен салыстырғанда 103,7% құрады.

Азық-түлік емес тауарлардың бағасы – 4%, азық-түлік тауарларының бағасы – 3,6%, халыққа көрсетілетін ақылы қызметтердің бағасы – 3,5% өсті.

2025 жылғы желтоқсанымен салыстырғанда 2026 жылдың сәуірінде өндіруші кәсіпорындардың өнеркәсіп өнімдерінің бағалары 5,6% қымбаттады.

2026 жылғы қаңтар-сәуірде бөлшек сауда көлемі 183481,9 млн. теңгені құрады немесе 2025 жылдың сәйкес кезеңімен салыстырғанда 3% көп.

2026 жылғы қаңтар-сәуірде көтерме сауда көлемі 126317,1 млн. теңгені құрады немесе 2025 жылдың сәйкес кезеңімен салыстырғанда 105,6%.

Алдын ала деректер бойынша 2026 жылғы қаңтар-наурызда ЕАЭО елдерімен өзара сауда 71,5 млн. АҚШ долларын құрап, 2025 жылғы қаңтар-наурызымен салыстырғанда 11,4% азайды, оның ішінде экспорт – 25,5 млн. АҚШ долларын (3,4% азайды), импорт – 46 млн. АҚШ долларын құрады (15,3% азайды).