Халық саны және көші-қоны

2024 жылғы 1 маусымға Маңғыстау облыс халқының саны 794,5 мың адамды құрады, соның ішінде қалалықтар - 363 мың адам (45,7%), ауылдықтар - 431,5 мың адам (54,3%).

Халықтың табиғи өсімі 2024 жылғы қаңтар-мамырда 6761 адамды құрады (өткен жылдың сәйкес кезеңінде 7041 адам).

2024 жылғы қаңтар-мамырда туылғандар саны 8284 адамды құрады (2023 жылғы қаңтар-мамырына сәйкес 0,6% азайды), қайтыс болғандар саны 1523 адамды құрады (2023 жылғы қаңтар-мамырына сәйкес 17,5% көбейді).

Оң көші-қонның айырмасы қалыптасты және - 899 адамды құрады (2023 жылғы қаңтар-мамырында -1658 адам), оның ішінде сыртқы көші-қонда - 1415 адам оң көші-қон айырмасы (2019), ішкі көші қонда теріс көші-қонның айырмасы - -516 (-361адам).

Еңбек және табыс

2024 жылғы I тоқсанда жұмыссыздар саны 18,3 мың адамды құрады.

Жұмыссыздық деңгейі жұмыс күшіне қарағанда 5% құрады.

2024 жылғы 1 шілдеде жұмыспен қамту органдарында жұмыссыздар ретінде тіркелгендер саны 17159 адамды құрады немесе жұмыс күшінің санына 4,8% болып қалыптасты.

2024 жылғы I тоқсанда қызметкерлерге есептелген (кәсіпкерлік қызметпен айналысатын, шағын кәсіпорындарсыз), орташа айлық атаулы жалақы 571403 теңгені құрады, өсім 2023 жылғы I тоқсанға 12,1% құрады.

2024 жылғы I тоқсанда нақты жалақы индексі 101,7% болып қалыптасты.

2024 жылғы I тоқсанда облыс халқының орташа жан басына шаққандағы атаулы ақшалай табысы бағалау бойынша 235295 теңгені құрады. 2023 жылғы I тоқсанға қарағанда 13,6% жоғары, аталған кезеңге нақты ақшалай табыс - 103,1%.

Салалық статистика

2024 жылғы қаңтар-маусымға өнеркәсіп өндірісінің көлемі қолданыстағы бағамен 1417707 млн. теңгені құрады, бұл 2023 жылғы қаңтар-маусыммен салыстырғанда 2,5% көп.

Тау-кен өндіру өнеркәсібінде өндіріс көлемі 2,2%, өңдеу өнеркәсібінде – 11,6%, электр энергиясымен, газбен, бумен, ыстық сумен және кондиционерленген ауамен жабдықтауда - 3,,6% азайды, сумен жабдықтауда, қалдықтарды жинауда, өңдеуде және жоюда, ластануды жою жөніндегі қызметте – 3,5% өсті.

2024 жылғы қаңтар-маусымдағы ауыл шаруашылығы өнімдерінің (қызметтерінің) жалпы шығарылымын 13561 млн. теңгені немесе 2023 жылғы қаңтар-маусымға салыстырғанда 97,5% құрады.

2024 жылғы қаңтар-маусымға көліктің барлық түрлерінің жүк айналымы 13 938,8 млн. ткм-ді құрады, (коммерциялық тасымалдаумен айналысатын жеке кәсіпкерлердің орындаған жүк айналымын бағалау есебімен), немесе 2023 жылдың қаңтар-маусымымен салыстырғанда 98,8% құрады.

Жолаушы айналымы 2 578,5 млн. жкм-ді құрады, немесе 2023 жылдың қаңтар-маусымымен салыстырғанда 144% құрады.

Құрылыс жұмыстарының (қызметтерінің) көлемі 111 092 млн. теңгені немесе 2023 жылғы қаңтар-маусыммен салыстырғанда 121,2% құрады.

2024 жылғы қаңтар-маусымда пайдалануға берілген тұрғын үйлердің жалпы алаңы 29,7% азайып, 251 мың шаршы метрді құрады, олардан көппәтерлі тұрғын үйлер - 42% (132 мың шаршы метр). Бұл ретте, пайдалануға берілген жеке тұрғын үйлердің жалпы алаңы – 8,1% (119 мың шаршы метр) азайды.

2024 жылғы қаңтар-маусымда негізгі капиталға салынған инвестициялар көлемі 384 288 млн. теңгені немесе 2023 жылдың қаңтар-маусыммен салыстырғанда 87,2% құрады.

Тіркелген заңды тұлғалар саны 2024 жылғы 1 шілде жағдай бойынша 16881 бірлікті құрап, өткен жылғы сәйкес кезеңдегімен салыстырғанда 0,1% өсті, оның ішінде 16508 адамнан кем қызметкерлері барлар 100 бірлік. Жұмыс істеп тұрған заңды тұлғалар саны 13715 бірлікті құрады, оның ішінде шағын кәсіпорындар 13342 бірлік құрады. Облыста тіркелген шағын және орта кәсіпкерлік кәсіпорындар (заңды тұлғалар) саны 14721 бірлікті құрап, өткен жылғы сәйкес кезеңмен салыстырғанда 0,1% өсті.

Экономика

Қысқа мерзімді экономикалық индикаторды есептеу жеделділікті қамтамасыз ету мақсатында жүзеге асырылады және ЖІӨ-ің 60% аса құрайтын ауыл шаруашылығы, өнеркәсіп, құрылыс, сауда, көлік және байланыс сияқты негізгі салалар бойынша шығарылым индекстерінің өзгеруіне негізделеді.

2023 жылғы қаңтар-желтоқсандағы өндірілген жалпы өңірлік өнімнің көлемі 4866995,3 млн. теңгені құрап, 2022 жылғы қаңтар-желтоқсанмен салыстырғанда нақты ЖӨӨ көлемінің өзгеру қарқыны 20% өсті. ЖӨӨ құрылымында тауарлар өндірісі - 49,8%, қызметтер - 42,1% құрады.

Тұтыну баға индексі 2024 жылдың мамыры 2023 жылғы желтоқсанмен салыстырғанда 104,2% құрады.

Азық-түлік тауарларының бағасы - 2,8%, азық-түлік емес тауарлардың - 5,9%, халыққа көрсетілетін ақылы қызметтердің бағасы - 4,7% өсті.

2023 жылдың желтоқсанмен салыстырғанда 2024 жылдың мамырын өндіруші кәсіпорындардың өнеркәсіп өнімдерінің бағалары 3,4% арзандады.

2024 жылғы қаңтар-мамырда бөлшек сауда көлемі 131125,8 млн.теңгені құрады немесе 2023 жылдың сәйкес кезеңімен салыстырғанда 5,2% көп.

2024 жылғы қаңтар-мамырда көтерме сауда көлемі 164014,6 млн. теңгені құрады немесе 2023 жылдың сәйкес кезеңімен салыстырғанда 103,7% құрады.

Алдын ала деректер бойынша 2024 жылғы қаңтар-сәуірде ЕАЭО елдерімен өзара сауда 52,6 млн. АҚШ долларын құрап, 2023 жылғы қаңтар-сәуірмен салыстырғанда 33,2% азайды, оның ішінде экспорт - 6,1 млн. АҚШ долларын (41,8% азайды), импорт - 46,5 млн. АҚШ долларын құрады (31,9% азайды).