Еңбек

2026 жылғы II тоқсанда жұмыссыздар саны 22,4 мың адамды құрады.

Жұмыссыздық деңгейі жұмыс күшіне қарағанда 4,6% құрады.

2026 жылғы 1 тамызға жұмыспен қамту органдарында жұмыссыздар ретінде тіркелгендер саны 20778 адамды құрады немесе жұмыс күшінің санына 4,2% болып қалыптасты.

2026 жылғы I тоқсанда қызметкерлерге есептелген (кәсіпкерлік қызметпен айналысатын, шағын кәсіпорындарсыз), орташа айлық атаулы жалақы 420239 теңгені құрады, өсім 2025 жылғы I тоқсанға 9% құрады.

2026 жылғы I тоқсанда нақты жалақы индексі 97,8% болып қалыптасты.

Салалық статистика

2026 жылғы қаңтар-шілдеде өнеркәсіп өндірісінің көлемі қолданыстағы бағамен 1812333,3 млн. теңгені құрады, бұл 2025 жылғы қаңтар-шілдемен салыстырғанда 2,2% өсті.

Тау-кен өндіру өнеркәсібінде өндіріс көлемі 4,4% өсті.Өңдеу өнеркәсібінде 0,1% өсті, электр энергиясымен, газбен, бумен, ыстық сумен және кондиционерленген ауамен жабдықтауда 1,6% өсті. Сумен жабдықтауда, қалдықтарды жинауда, өңдеуде және жоюда, ластануды жою жөніндегі қызметте 2,7% өсті.

2026 жылғы қаңтар-шілдеде ауыл, орман және балық шаруашылығы өнімдерінің (қызметтерінің) жалпы шығарылымының көлемі 179280,6 млн. теңгені немесе 2025 жылғы қаңтар-шілдеге 102,2% құрады.

2026 жылғы қаңтар-шілдеде көліктің барлық түрлерінің жүк айналымы 21914,4 млн. ткм-ді құрады, (коммерциялық тасымалдау мен айналысатын жеке кәсіпкерлердің орындаған жүкайналымын бағалау есебімен), немесе 2025 жылғы қаңтар-шілдеге 105,3% құрады.
Жолаушы айналымы-2263,3 млн. жкм-ді құрады, немесе 2025 жылғы қаңтар-шілдеге 105,8% құрады.

Құрылыс жұмыстарының (қызметтерінің) көлемі 197746,7 млн. теңгені немесе 2025 жылғы қаңтар-шілдеге 105,3% құрады.

2026 жылғы қаңтар-шілдеде пайдалануға берілген тұрғын үйлердің жалпы алаңы 7% өсіп, 466,5 мың шаршы метрді құрады, олардан жеке тұрғын үйлер–0,4% (263,9 мың шаршы метр), көппәтерлі тұрғын үйлердің жалпы алаңы – 16,6% (201,8 мың шаршы метр).  

2026 жылғы қаңтар-шілдеде негізгі капиталға салынған инвестициялар көлемі 624049,6 млн. теңгені немесе 2025 жылға қаңтар-шілдеге 100% құрады.

Тіркелген заңды тұлғалар саны 2026 жылғы 1 тамыздағы жағдай бойынша 19307 бірлікті құрап, өткен жылғы сәйкес кезеңдегімен салыстырғанда 0,4% азайды, оның ішінде 100 адамнан кем қызметкерлері барлар 18920 бірлік. Жұмыс істеп тұрған заңды тұлғалар саны 15787 бірлікті құрады, оның ішінде шағын кәсіпорындар 15400 бірлік құрады. Облыста тіркелген шағын және орта кәсіпкерлік кәсіпорындар (заңды тұлғалар) саны 16391 бірлікті құрап, өткен жылғы сәйкес кезеңмен салыстырғанда 0,8% азайды.

Экономика

2026 жылғы қаңтар-наурызда жалпы өңірлік өнім көлемі қолданыстағы бағамен 1335679,8 млн. теңгені құрады. Өткен жылғы сәйкес кезеңмен салыстырғанда нақты ЖӨӨ 6,3% өсті. ЖӨӨ құрылымында тауарларды өндіру үлесі 41,3%, қызметтер көрсету – 53,3% құрады.

Тұтыну баға индексі 2026 жылғы шілдеде 2025 жылғы желтоқсанымен салыстырғанда 105,4% құрады.

Азық-түлік және азық-түлік емес тауарлардың бағасы - 5,5%-дан, халыққа көрсетілетін ақылы қызметтердің бағасы – 5,2% өсті.

Өнеркәсіп өнімдеріне өндіруші кәсіпорындар бағасы 2026 жылғы шілдеде 2025 жылдың желтоқсанымен салыстырғанда 0,9% өсті.

2026 жылғы қаңтар-шілдеде бөлшек сауда көлемі 514619 млн.теңгені құрады немесе 2025 жылдың сәйкес кезеңімен салыстырғанда 3% көп.

2026 жылғы қаңтар-шілдеде көтерме сауда көлемі 992399,6 млн. теңгені құрады немесе 2025 жылдың сәйкес кезеңіне 102,8% .

Алдын ала деректер бойынша 2026 жылғы қаңтар-маусымда ЕАЭО елдерімен өзара сауда 399,6 млн. АҚШ долларын құрап, 2025 жылғы қаңтар-маусыммен салыстырғанда 3,8% азайды, оның ішінде экспорт – 82,7 млн. АҚШ долларын (16,1% азайды), импорт – 316,9 млн. АҚШ долларын құрады (0,1% артты).