12.1 Барлық елдердің қатысуымен тұтыныс пен өндірістің тиімді үлгілерін пайдалануға көшу бойынша Он жылдық стратегияны жүзеге асыру, осы тұста оны ең алдымен дамушы елдердің дамуы мен әлеуетін ескере отырып, дамыған елдер алғашқы болып кірісуі тиіс

12.2 2030 жылға дейін табиғи қорларды оңтайлы игеру мен тиімді пайдалануға жету

12.3 2030 жылға дейін дара және тұтынушылық деңгейдегі тамақ қалдықтарының бүкіләлемдік мөлшерін бір адамға шағып қайта есептегенде екі есеге қысқарту және өндіру-өткізу тізбектеріндегі шығындарды, соның ішінде орақтан кейінгі шығындарды азайту

12.4 2020 жылға дейін халықаралық келісілген қағидаларға сәйкес химиялық заттар мен барлық қалдықтарды олардың тіршілік кезеңінің барысында экологиялық оңтайлы пайдалану және олардың адамдардың денсаулығы мен қоршаған ортаға деген жағымсыз әсерін мейлінше қысқарту үшін олардың ауаға, суға және топыраққа кіруін барынша қысқарту

12.5 2030 жылға дейін қалдықтардың пайда болуының алдын алу, оларды қысқарту, қайта өңдеу және қайта пайдалану бойынша шаралар қолдану арқылы қалдықтар көлемін едәуір қысқарту

12.6 Компанияларға, әсіресе ірі әрі трансұлттық компанияларға өндірістің тұрақты әдістерін қолдануды және өз есептерінде қорларды оңтайлы пайдалану туралы ақпаратты көрсетуді ұсыну

12.7 Ұлттық стратегиялар мен басымдылықтарға сәйкес мемлекеттік сатып алулардың тұрақты тәжірибесін қамтамасыз етуге жәрдемдесу

12.8 2030 жылға дейін бүкіл әлемдегі адамдар тұрақты даму және табиғатпен үйлесімде өмір сүру салты туралы сәйкес ақпарат пен мәліметтерге ие болуын қамтамасыз ету

12.a Тұтыныс пен өндірістің анағұрлым оңтайлы үлгілеріне көшу үшін дамушы елдерге олардың ғылыми-техникалық әлеуетін өсіруде көмек көрсету

12.b Жұмыс орындарының пайда болуына, жергілікті мәдениеттің дамуына және жергілікті өнімдердің өндірісіне ықпал ететін тұрақты туризм арқылы тұрақты дамуға деген әсерді сараптау құралдарын даярлау және енгізу

12.c Ұлттық талаптарды ескере отырып, нарықтық диспорцияларды жою арқылы, соның ішінде салық салуды қайта ұйымдастыру және зиянды субсидиялар қолданылатын жерден олардың экологиялық салдарын есепке алу үшін олардан бас тарту арқылы, халықтың мұқтаж және осал топтарының мүдделерін қорғайтындай, дамушы елдердің айрықша қажеттіліктері мен жағдайларын толығымен назарға ала отырып және олардың дамуы үшін ықтимал жағымсыз нәтижелерді мейлінше қысқарта отырып, тиімсіздігімен ерекшеленетін қазбалы отынды оның бейберекет тұтынылуына алып келетін пайдалану субсидиясын оңтайландыру