«Qazdatathon» конкурсы – деректер негізінде әлеуметтік-экономикалық, әдіснамалық мәселелерді шешудің жаңа тәсілдерін іздеу, сондай-ақ деректерді басқару мәдениетін және деректерге негізделген шешім қабылдау тәжірибесін ілгерілету мақсатында өткізілетін дата-жобалар сайысы.

Осылайша, 2022 жылы Ұлттық статистика бюросы ҚР Ұлттық Банкінің Төлем және қаржылық технологияларды дамыту орталығымен бірлесе алғаш рет республикалық деңгейде дата-жобалар конкурсын өткізді. Конкурсқа экономикалық теорияны түсінетін, статистикалық қосымшалармен және бағдарламалау тілдерімен жұмыс жасай алатын ЖОО-дан командалар қатысты.

Конкурс барысында қатысушыларға шынайы деректердің негізінде жасалған синтетикалық (жасанды) деректер ұсынылды, бұл оларға құпиялылық саясатын бұзбай, жобалау жұмыстарында микродеректерді жаппай пайдалану мүмкіндігін ашты.

Деректермен жұмыс істеу бойынша конкурстарды тұрақты негізде өткізу жоспарлануда.

Байқау сайтына өту