Парниктік газдар шығарындылары

Көрсеткіш СО2 эквивалентінің миллион тоннасымен өлшенеді. Мемлекетаралық салыстыру мақсатында көрсеткішті сондай-ақ елдің км2 аумағында мың тонна етіп қалыптастыру ұсынылады.

Парниктік газдар-көрінетін диапазонда жоғары мөлдірлігі бар және жылу инфрақызыл диапазонда жоғары сіңуі бар газдар. Бұл көрсеткіш Біріккен Ұлттар Ұйымының Климаттың өзгеруі туралы негіздемелік конвенциясының (БҰҰ КӨНК) Киото хаттамасына енгізілген парниктік газдардың (ПГ) антропогендік шығарындыларының өлшемі болып табылады: көміртегі диоксиді (CO2), азот шала тотығы (N2O), метан (CH4), гидрофторкөміртектер (ГФҚ), перфторкөміртектер (ПФҚ) және күкірт гексафториді (SF6). Осы газдар шығарындыларының шамасы туралы деректер тұтастай алғанда жер пайдаланудағы көздер мен абсорбцияны, жер пайдаланудың және орман шаруашылығының (ЖМЗШ) өзгеруін ескере отырып ұсынылған.

Парниктік газдар эмиссиясын есептеуді қоршаған орта жөніндегі уәкілетті органның ведомстволық бағынысты ұйымы атмосферадағы парниктік газдар концентрациясының өзгеруіне әкелетін қызмет түрлері бойынша парниктік газдардың Ұлттық кадастры негізінде жүргізеді (парниктік газдарды сіңіру көздерін ескере отырып). Ішек ашытуына байланысты ауыл шаруашылығындағы метан эмиссиясы туралы жыл сайынғы деректер жануарлардың әртүрлі түрлерінің саны туралы деректер негізінде есептеледі. Эмиссияның аударым коэффициенттері шығарындылар көлемін антропогендік қызмет туралы статистикалық деректермен байланыстырады. Парниктік газдар шығарындыларының көлемін есептеудің жеңілдетілген әдісін былайша білдіруге болады: Парниктік газдар шығарындылары = антропогендік қызмет туралы деректер * эмиссия коэффициенті Есептеу үшін БҰҰ КӨНК шеңберінде әзірленген халықаралық қабылданған эмиссия коэффициенттері де, эмиссияның ұлттық коэффициенттері де қолданылады.