Қазақстан Республикасы Стратегиялық жоспарлау және реформалар агенттігінің
Ұлттық статистика бюросы
Көлік Өңірлік бөліністе 2025 жылғы қаңтар-шілдеде жүк айналымының өсуі Астана (13,8%), Алматы (3,3%) қалаларында, Атырау (44,9%), Жетісу облысы (42,7%), Маңғыстау (28,8%), Абай (28,3%), Түркістан (22,9%), Павлодар (17,9%), Батыс Қазақстан (12,6%), Алматы облысында (9,2%), Ақтөбе (8,9%), Қарағанды (8,7%), Қостанай (8,4%), Қызылорда (4,3%) және Солтүстік Қазақстан (1,5%) облыстарында байқалады.
Жолаушылар айналымы ең көп дәрежеде: Алматы (25,4%), Шымкент (24,2%) қалаларында, Алматы облысында (1,8 есе), Маңғыстау (20,8%), Абай облысы (19,1%), Қызылорда (19%), Түркістан (18,6%), Қарағанды (15,3%), Шығыс Қазақстан (11,8%), Атырау (10,9%), Ақтөбе (8%), Батыс Қазақстан (6,3%) Павлодар (5,2%) және Жетісу облысы (0,7%) облыстарында ұлғайды.
| Жүк айналымы | Жолаушылар айналымы | |
| Қазақстан Республикасы | 112,1 | 110,7 |
| Абай | 128,3 | 119,1 |
| Ақмола | 98,5 | 52,8 |
| Ақтөбе | 108,9 | 108,0 |
| Алматы | 109,2 | 176,2 |
| Атырау | 144,9 | 110,9 |
| БатысҚазақстан | 112,6 | 106,3 |
| Жамбыл | 91,9 | 87,6 |
| Жетісу | 142,7 | 100,7 |
| Қарағанды | 108,7 | 115,3 |
| Қостанай | 108,4 | 57,8 |
| Қызылорда | 104,3 | 119,0 |
| Маңғыстау | 128,8 | 120,8 |
| Павлодар | 117,9 | 105,2 |
| СолтүстікҚазақстан | 101,5 | 74,2 |
| Түркістан | 122,9 | 118,6 |
| Ұлытау | 99,8 | 86,9 |
| Шығыс Қазақстан | 88,9 | 111,8 |
| Астана қаласы | 113,8 | 98,6 |
| Алматы қаласы | 103,3 | 125,4 |
| Шымкент қаласы | 74,9 | 124,2 |
2025 жылғы қаңтар-шідеде республика темір жол көлігімен 260,4 млн. тонна жүк тасымалданды, бұл 2024 жылғы қаңтар-шілде деңгейінен 11,9%-ға ұлғайды, осы кезеңде жүк айналымы 195,2 млрд. т-км құрады (2024 жылғы қаңтар-шілдемен салыстырғанда 7,4%-ға өсті), 11,5 млн. жолаушы тасымалданды (2024 жылғы қаңтар-шілдеге қарағанда 6,3%-ға кем), жолаушылар айналымы 9,3 млрд. ж-км құрады (2024 жылғы қаңтар-шілдеге қарағанда 1,7%-ға кеміді).
2025 жылғы қаңтар-шілдеде өткен жылдың сәйкес кезеңімен салыстырғанда автомобиль көлігімен жүк тасымалдау 1,2%-ға өсті және автомобиль көлігінің жүк айналымы 32,7%-ға ұлғайғаны байқалады. Бұл ретте жолаушыларды тасымалдау және жолаушылар айналымы тиісінше 11% және 17,7%-ға ұлғайды.
2025 жылғы қаңтар-шілдеде 199,2 млн. тонна жүк тасымалданды (2024 жылғы қаңтар-шілдеге қарағанда 17,3%-ға артық), жүк айналымы 102,2 млрд.т-км құрады (2024 жылғы қаңтар-шілдемен салыстырғанда 17,5%-ға өсті).
2025 жылғы қаңтар-шілдеде республиканың әуе көлігімен 8,9 млн. жолаушы тасымалданды (2024 жылғы қаңтар-шілдемен салыстырғанда 7,3%-ға өсті), жолаушылар айналымы 17,6 млрд. ж-км құрады (2024 жылғы қаңтар-шілдемен салыстырғанда 8,9%-ға ұлғайды).
2025 жылғы қаңтар-шілдеде ішкі су көлігімен 92,1 мың тонна жүк тасымалданды (2024 жылғы қаңтар-шілдемен салыстырғанда 58,4%-ға азайды), 178,3 мың жолаушы тасымалданды (2024 жылғы қаңтар-шілдемен салыстырғанда 13,6%-ға өсті).
2025 жылғы қаңтар-шілдеде теңіз көлігімен 2 257,3 мың тонна жүк тасымалданды, 2024 жылғы қаңтар-шілдемен салыстырғанда 37,1% ұлғайғаны байқалады, жүк айналымы 1 039,6 млн. т-км құрады және 2024 жылғы қаңтар-шілдемен салыстырғанда 7,6% өсті.
Тасымалданған жүктер – көлікпен тасымалданған тоннадағы жүктер саны.
Көліктің жүк айналымы – жүктерді тасымалдау бойынша көлік жұмыстарының көлемі, тонна-километрмен тұлғаланады. Тасымалданатын жүктің әрбір партиясының (жөнелтудің) салмағын оны тасымалдау арақашықтығына көбейтудің жиынтықталуы арқылы анықталады.
Жолаушылар тасымалдау – белгілі бір уақыт кезеңінде тасымалданған жолаушылар саны. Көлік, қатынас түрлері бойынша ескеріледі. Жолаушыларды тасымалдау статистикасындағы байқау бірлігі жолаушы-сапары болып саналады.
Көліктің жолаушылар айналымы – жолаушыларды тасымалдау бойынша жұмыс көлемі. Өлшем бірлігі-жолаушы-километр, яғни 1 жолаушынының 1 километр қашықтыққа орын ауыстыру болып табылады. Әр тасымалдаудың жолаушылар санының туындыларын километрмен тасымалдау қашықтығына қосу арқылы анықталады.
Нақты көлем индексі – есепті кезеңдегі жүк және жолаушылар тасымалының сандық көлемдерінің базиспен салыстырғанда өзгеруін сипаттайтын салыстырмалы көрсеткіш және жүктер мен жолаушыларды тасымалдаудан түсетін кірістердің орташа өлшенген өсу қарқыны негізінде есептеледі.
Шығарылымда 1-көлік айлық нысаны бойынша есеп берген, негізгі қызмет түрі – көлік (ЭҚЖС-ның коды – 49-51) болып табылатын кәсіпорындардың жұмысы, жолаушыларды және жүктерді коммерциялық негізде тасымалдауды жүзеге асыратын экономиканың басқа да салаларындағы кәсіпорындар көрсетілген, сондай-ақ коммерциялық негізде автомобиль көлігінде жүктерді және жолаушыларды тасымалдауды жүзеге асыратын, тоқсандық нысандар бойынша есеп берген дара кәсіпкерлер: 1-ЖК (автожүк), 1-ЖК (автожолаушылар).
