Қысқаша сипаттамасы:
Бұл көрсеткіш елдегі энергия тұтыну тиімділігінің деңгейін сипаттайды. Көрсеткіш соңғы энергия тұтыну (және/немесе жеткізілетін бастапқы энергияның жалпы саны) мен күнтізбелік жыл үшін сатып алу қабілетінің тепе-теңдігі бойынша тұрақты бағамен есептелген жалпы ішкі өнім (ЖІӨ) арасындағы қатынасты білдіреді.
Әдіснама:
Көрсеткіш ҚР ҰЭМ Статистика комитеті Төрағасының 2016 жылғы 11 тамыздағы №160 бұйрығымен бекітілген "отын-энергетикалық балансты қалыптастыру және энергетика саласын сипаттайтын жекелеген статистикалық көрсеткіштерді есептеу әдістемесіне" сәйкес қалыптастырылады. Энергия тұтыну туралы деректерді қалыптастыру бойынша жауапты мемлекеттік орган ҚР Стратегиялық жоспарлау және реформалар агенттігінің Ұлттық статистика бюросы болып табылады. Ақпарат 1-ТЭБ (жылдық) нысаны бойынша жалпымемлекеттік статистикалық байқаудың қорытындылары бойынша қалыптастырылады.
Өлшем бірліктері:
Энергияны тұтыну/жеткізу және ЖІӨ арасындағы арақатынас халықаралық доллармен ЖІӨ бірлігіне есептегенде мұнай эквивалентінің мың тоннасында (мың т.б.) көрсетіледі. Ел ішінде пайдалану үшін ЖІӨ-ні қосымша ұлттық валютада көрсетуге болады.
Мақсаты:
Энергия сыйымдылығы тұрақты дамудың негізгі көрсеткіштерінің бірі болып табылады. Оның серпіні елдегі энергия тұтыну тиімділігінің деңгейін сипаттайды және экономикалық өсу нәтижесінде энергия тұтынуды және оның қоршаған ортаға әсерін бағалау үшін негізді қамтамасыз етеді.
