«Азық-түлік ресурстарының балансы (АРБ) ауыл шаруашылығы өндірісінің дамуы мен азық-түлік қауіпсіздігін талдау үшін маңызды. Кездесуде ТМД елдерінде АРБ әзірлеудің әдіснамалық, технологиялық және ұйымдастырушылық аспектілері, жұмысты жақсартудағы ынтымақтастық пен ресурстарды біріктіру сияқты негізгі мәселелер қарастырылады. Өзара әріптестік құру – статистиканы дамытуға және азық-түлік қауіпсіздігіне бағытталған жұмысты қолдауға ықпал етеді», – деп атап өтті өз кіріспе сөзінде ТМД Статкомитеті төрағасының орынбасары Андрей Косарев. 

«Статистикалық өндірістің барлық процесін цифрландыру және Ұлттық статистикалық жүйені ұлттық деректер жүйесіне трансформациялау – алдағы бес жылдағы Қазақстанның статистикалық жүйесін дамытудың негізгі векторына айналады. Осы отырыста ұсынылған тәсілдер мен құралдар бізге аграрлық азық-түлік өнімдерін өндіруді есепке алудың дәлдігін одан әрі дамытуға және арттыруға көмектеседі. Азық-түлік балансын құрудың ұлттық тәжірибемізде біз ФАО мен ТМД Статкомитетінің ұсынымдарын, сондай-ақ олардың озық әдістемелерін басшылыққа аламыз. Үздік тәжірибелерді пайдалану мен халықаралық стандарттарға сәйкестік – Бюро жұмысының басым бағыттары», – деп қорытындылады Ә. Шауенова.