«Қазақстан статистиканы дамыту бойынша өңірде көшбасшы болып табылады және бұл тәжірибе Орталық Азия елдері үшін ерекше құндылыққа ие. Дүниежүзілік банктің статистикалық тиімділік көрсеткіштерінің SPI рейтингіндегі Қазақстан жетістіктері осыны айқын дәлелдейді. Елдеріңіздің мобильді деректерді енгізу тәжірибесі көптеген мемлекеттің қызығушылығын тудырып отыр, өйткені бұл тәжірибе кейін өзге елдер арасында да таралады» - деп атап өтті сарапшы.

«Ұялы байланыс операторларынан туристердің нақты ағынын, олардың бару бағыттарын, сондай-ақ барған жерінде қанша ұзақ болғанын анықтауға мүмкіндік беретін иесіздендірілген деректер келіп түседі. Қонақ үйлерден алынған мәліметтер барлық туристі қамтымайды, себебі олардың бір бөлігі туыстарының үйіне тоқтап, пәтер жалдауы мүмкін. Болашақта мобильді деректерді халық көші-қонын есепке алу үшін де пайдалану жоспарлануда. Қазіргі таңда тиісті көрсеткіштер тіркеу орны бойынша мәліметтер негізінде қалыптастырылуда», – дейді Бюро басшысы Мақсат Тұрлыбаев.