«Биылғы мереке еліміздің қоғамдық-саяси өміріндегі маңызды оқиғамен тұспа-тұс келіп отыр – Қазақстан Республикасының жаңа Конституциясының қабылдануы мемлекеттік басқаруды жетілдіруге, заң үстемдігін нығайтуға және азаматтарға көрсетілетін қызметтердің сапасын арттыруға бағытталған жаңа кезеңнің бастамасы болды. Осы міндеттерді іске асыруда мемлекеттік қызметшілердің рөлі ерекше. Мемлекеттік қызмет – ең алдымен қоғам мен мемлекет алдындағы жауапкершілік. Біздің жұмысымыздың сапасы қабылданатын шешімдердің тиімділігіне және азаматтардың мемлекеттік институттарға деген сеніміне тікелей әсер етеді. Ұлттық статистика бюросының қызметкерлері ел дамуына күн сайын үлес қосып, пайдаланушыларды объективті және сенімді статистикалық ақпаратпен қамтамасыз етуде», - деді Әсел Шауенова.

«Әрбір кәсіби жетістіктің артында адамдар – әріптестер, тәлімгерлер, пікірлес жандар тұрады. Менің еңбек жолымның үш онжылдықтан астам уақыты мемлекеттік қызмет пен статистика саласымен тығыз байланысты. Осы жылдар бойы басты ұстанымым мемлекет алдындағы жауапкершілік, жұмыстың сапасы және қоғамға пайда келтіруге ұмтылу болды. Бұл марапат мен үшін үлкен құрмет әрі алдағы уақытта да аянбай еңбек етуге жігер беретін маңызды серпін», - деді Светлана Григорьева.