Ұлттық статистика бюросы
Қазақстан Республикасы Стратегиялық жоспарлау және реформалар агенттігі
Қазақстан Республикасындағы техникалық және кәсіптік, орта білімнен кейінгі білім
30.12.2024
Қазақстан Республикасындағы техникалық және кәсіптік, орта білімнен кейінгі білім
Қазақстан Республикасындағы техникалық және кәсіптік, орта білімнен кейінгі білім

2024-2025 оқу жылының басында Қазақстан Республикасында 706 дербес техникалық және кәсіптік білім беру ұйымы (бұдан әрі-ТжКБ) және 39 филиал жұмыс істеді.

Оқушылардың жалпы саны 557 мың адамды құрады, оның ішінде 266,9 мың адам немесе 47,9% – әйелдер. 2023-2024 оқу жылымен салыстырғанда оқушылар саны 1,6% - ға өсті.

Білім алушылардың жалпы санының 73,6% негізгі орта білім негізінде, 22,5% жалпы орта білім негізінде, 3,9% ТжКБ базасында білім алып жатыр.

Мемлекеттік білім беру тапсырысы бойынша 380 мың адам оқиды, бұл оқушылардың жалпы санының 68,4% құрайды.

Өткен оқу жылындағы түлектер саны 158,7 мың адамды құрады, оның ішінде 92,9 мың адам (58,5%) жұмысқа орналастырылды және 25,6 мың адам (16,1%) жоғары оқу орындары мен колледждерде оқуын жалғастырды.

Техникалық және кәсіптік білім беру ұйымдарында 38 659 педагог және 5 364 өндірістік оқыту шеберлері жұмыс істейді.


Соңғы бес жылдағы динамикада ТжКБ ұйымдары санының жыл сайынғы төмендеуі байқалды. 2020 жылмен салыстырғанда 2024 жылы ТжКБ ұйымдары саны 4,2% азайды, бұл ретте ТжКБ ұйымдарында білім алушылар саны 16,6% өсті.


Тізімге оралу

Онлайн кеңесші