D-1-Ерекше қорғалатын табиғи аумақтар туралы деректе.xls

Ерекше қорғалатын табиғи аумақтар – мемлекеттік билік органдарының шешімдерімен толық немесе ішінара шаруашылық пайдаланудан алынған және олар үшін ерекше қорғау режимі белгіленген ерекше табиғат қорғау, ғылыми, мәдени, эстетикалық, рекреациялық және сауықтыру маңызы бар табиғи кешендер мен объектілер орналасқан жер, су беті және олардың үстіндегі әуе кеңістігі учаскелері. Көрсеткіш елдегі ерекше қорғалатын аумақтардың алаңын және оның елдің жалпы аумағындағы үлесін қамтиды.

Қазақстан Республикасы Ұлттық экономика министрлігінің Статистика комитеті төрағасының міндетін атқарушының 2015 жылғы 25 желтоқсандағы №223 бұйрығымен бекітілген «Қоршаған орта статистикасының көрсеткіштерін қалыптастыру жөніндегі әдістемеге» сәйкес қалыптастырылады.

Қазақстан Республикасы Экология және табиғи ресурстар министрлігінің Орман шаруашылығы және жануарлар дүниесі комитеті (ҚР ЭТРМ) ерекше қорғалатын табиғи аумақтар туралы деректерді қалыптастыру жөніндегі жауапты мемлекеттік орган болып табылады.

км² немесе га өлшенеді

Бұл көрсеткіш экожүйелердің тозуына және елдегі биоалуантүрліліктің жоғалуына ден қоюды бағалауға мүмкіндік береді. Ол биоалуантүрлілікті, мәдени мұраны, ғылыми зерттеулерді, демалысты, табиғи ресурстарды және қоршаған ортаның басқа да бағалы компоненттерін сақтау үшін бағалы аудандарды тиісінше пайдаланбаудан қорғау дәрежесін сипаттайды.

• 2015 жылғы 25 желтоқсандағы №223 Қоршаған орта статистикасының көрсеткіштерін қалыптастыру жөніндегі әдістеме
• «Қазақстан Республикасындағы қоршаған ортаны қорғау» жинағы
• Қазақстан Республикасы Экология, Геология және табиғи ресурстар министрлігінің Орман шаруашылығы және жануарлар дүниесі комитеті
• Қазақстан Республикасының 2006 жылғы 7 шілдедегі N 175 заңы