C-3-Су тұтыну.xls

Көрсеткіш әр түрлі көздерден алынатын тұщы судың (бөлінген тұщы судың, тұщы судың, қайта пайдаланылатын судың мөлшері, судың таза импорты) және оны халықтың, ауыл шаруашылығы, өнеркәсіптік және экономикалық қызметтің басқа да түрлерінің қажеттіліктерін қанағаттандыру мақсатында пайдалану мөлшерін анықтайды. Су тұтыну тұтастай ел үшін және экономикалық қызмет түрлерінің халықаралық стандартты салалық сыныптамасына сәйкес Экономикалық қызмет түрлері бойынша бөле отырып айқындалады.

Қазақстан Республикасы Ұлттық экономика министрлігінің Статистика комитеті төрағасының міндетін атқарушының 2015 жылғы 25 желтоқсандағы №223 бұйрығымен бекітілген «Қоршаған орта статистикасының көрсеткіштерін қалыптастыру жөніндегі әдістемеге» сәйкес қалыптастырылады.

Тұщы суды алу бойынша деректерді қалыптастыруға жауапты орган Қазақстан Республикасының Cу ресурстары және ирригация министрлігі болып табылады. Деректер 2-ТП (сушар) «Су алу, пайдалану және суды бұру туралы есеп» нысанының негізінде қалыптастырылады. Есепті ауыл шаруашылығы қажеттілігі үшін суды пайдаланатын барлық су пайдаланушылар, сондай-ақ басқа пайдаланушылар ұсынады.

Экономикалық қызмет түрлері бойынша су тұтынудың жалпы көлемі мен су тұтыну көлемдері жылына миллион текше метрмен өлшенеді; ЖІӨ бірлігіне су тұтынудың жалпы көлемі халықаралық доллармен текше метрмен (2017 жылғы сатып алу қабілетінің тепе-теңдігінің тұрақты бағасымен) көрсетіледі.

Осы көрсеткіш әртүрлі көздерден су алу тұрғысынан қоршаған ортаға қысымды өлшеуді қамтамасыз етеді (алынған тұщы судың, тұщы судың, су шығынын ескере отырып, қайта пайдаланылатын судың мөлшерін қоса алғанда).

• 2015 жылғы 25 желтоқсандағы №223 Қоршаған орта статистикасының көрсеткіштерін қалыптастыру жөніндегі әдістеме
• «Қазақстан Республикасындағы қоршаған ортаны қорғау» жинағы
• 2-ТП (сушар) «Су алу, пайдалану және суды бұру туралы есеп» нысаны