Қазақстан Республикасының Қаржылық мониторинг агенттігі Қазақстан Республикасының «Қылмыстық жолмен алынған кірістерді заңдастыруға (жылыстатуға), терроризмді қаржыландыруға және жаппай қырып-жою қаруын таратуды қаржыландыруға қарсы іс-қимыл туралы» Заңының 3-бабының 3-тармағына сәйкес қызметін жүзеге асыруы оларды қаржылық мониторинг субъектілеріне жатқызуға және мынадай міндеттердің туындауына әкеп соғатын субъектілер айқындалғанын хабарлайды:

- қызметтің басталғаны немесе тоқтатылғаны туралы хабарлама жіберу (https://www.elicense.kz/?lang=ru);

- жеке кабинетте тіркелу (websfm.kz – https://websfm.kz/);

- заңнаманы білу деңгейін тексеруден өту (websfm.kz – https://websfm.kz/);

- ішкі бақылау қағидаларын әзірлеу;

- көрсетілетін қызметтердің (өнімдердің) қылмыстық жолмен алынған кірістерді заңдастыру (жылыстату), терроризмді қаржыландыру және жаппай қырып-жою қаруын таратуды қаржыландыру тәуекелдеріне бейімділік дәрежесіне бағалау жүргізу (Заңның 11-1-бабы);

- өз клиенттерін тиісінше тексеру (Заңның 5-бабы);

- қаржылық мониторингке жататын операциялар туралы хабарламалар жіберу (Заңның 4-бабы) және басқа да міндеттерді орындау.

Қосымша түсіндірмелер алу үшін Қазақстан Республикасының Қаржылық мониторинг агенттігіне 1458 нөмірі бойынша жүгінуді ұсынамыз.