Ұлттық статистика бюросы
Қазақстан Республикасы Стратегиялық жоспарлау және реформалар агенттігі
Конъюнктуралық зерттеулер статистикасы 
2023 жылғы III тоқсанда 86% өнеркәсіп кәсіпорындарының басшылары өз экономикалық жағдайын «жақсы» және «қанағаттанарлық» деп сипаттаған.
Ағымдағы уақытпен салыстырғанда 71% кәсіпорын өзінің қаржылық – шаруашылық қызметінің өзгеріссіз қалуын, 15% - жақсаруын және 13% - нашарлайтындығын күтеді.
2023 жылғы III тоқсанда 85% сауда кәсіпорындардың басшылары өз экономикалық жағдайын «жақсы» және «қанағаттанарлық» деп сипаттаған.
Ағымдағы уақытпен салыстырғанда 69% кәсіпорын өзінің қаржылық – шаруашылық қызметінің өзгеріссіз қалуын, 16%- жақсаруын және 14% - нашарлайтындығын күтеді.
2023 жылғы III тоқсанда сауда кәсіпорындарын зерттеу нәтижелері бойынша іскерлік белсендігі өзгеріссіз.
2023 жылғы III тоқсанда сату түрлері бойынша сауда көлемі:
-көтерме сауда -20%
-бөлшек сауда -21%;
-электронды сауда алаңы арқылы -7%;
-электронды сауда алаңынан тыс -29%.
2023 жылғы III тоқсанда 87% құрылыс кәсіпорындарының басшылары өз экономикалық жағдайын «жақсы» және «қанағаттанарлық» деп сипаттаған.
Ағымдағы уақытпен салыстырғанда 61% кәсіпорын өзінің қаржылық – шаруашылық қызметінің өзгеріссіз қалуын, 26% - жақсаруын және 12% - нашарлайтындығын күтеді.
2023 жылғы III тоқсанда 4719 кәсіпорындарының басшылары өндірісті қызметін шектейтін факторларды атап өтті:
ESG критерийлерін талдау республикадағы кәсіпорындардың 75%-ы экологиялық критерийлерге, 72%-ы корпоративтік басқару критерийлеріне сәйкес келмейтінін, сонымен қатар кәсіпорындардың 65%-ы әлеуметтік критерийлерге сәйкес келмейтінін көрсетеді.
Осылайша, өткен тоқсанмен салыстырғанда ағымдағы тоқсанда шығарындылардың 28%-ы төмендегенін байқады, бұл ретте компаниялардың 35%-ы шығарындылар мен төгінділер көздерінде экологиялық бақылауды жүзеге асырмайтынын атап өткен жөн.
Сондай-ақ кәсіпорындардың 61%-ында ұзақ мерзімді даму стратегиясы бар, ал кәсіпорындардың 29%-ында ерікті медициналық сақтандыру және материалдық көмек түрінде қызметкерлерге қосымша әлеуметтік қолдау пакеті бар екенін атап өткен жөн.
Өнеркәсіп кәсіпорындарының кәсіпкерлік сенімділік индексі нақты қалыптасқан сұраныс деңгейі мен дайын өнім қорлары (соңғысы – кері белгісі бар) бағаларының «баланстарының» орташа арифметикалық мәні ретінде, сондай-ақ өндіріс көлемінің күтілетін өзгерістері пайызбен есептеледі.
Сауда кәсіпорындарының кәсіпкерлік сенімділік индексі нақты қалыптасқан экономикалық жағдай мен қойма қорларының деңгейін бағалаудың «баланстарының» орташа арифметикалық мәні ретінде (соңғысы – кері белгісі бар), сондай-ақ экономикалық жағдайдың күтілетін өзгерістері пайызбен есептеледі.
Құрылыс кәсіпорындарының кәсіпкерлік сенімділік индексі тапсырыстар портфелінің нақты жай-күйін бағалаудың «баланстарының» орташа арифметикалық мәні және ұйымдарда жұмыс істейтін санның күтілетін өзгерісі пайызбен есептеледі. Баланс деп зерттелетін кәсіпорынның шаруашылық қызметінің қандай да бір көрсеткішінің пайызбен «ұлғаюын» және «азаюын» атап өткен респонденттер үлесінің айырмасын түсіну керек.
