Өткен жылғы сәуірмен салыстырғанда тарифтер суық суға – 89,1%, су бұруға – 23,5%, орталықтан жылытуға – 18,7%, қоқыс шығаруға – 16,2%, ыстық суға – 14,4%, тарату желілері бойынша тасымалданатын газға – 13,3%, электр энергиясына – 11,7%, тұрғын үйді күтіп ұстауға жұмсалған төлем 10,3% өсті.

Баға кешенді демалыстарды ұйымдастыру қызметтеріне – 70,1%, байланыс қызметтеріне – 15,8%, шаштараздар мен жеке қызмет көрсету орындары қызметтеріне – 15%, санаторийлер қызметтеріне – 14,6%, денсаулық сақтау қызметтеріне – 14,3%, жеке көлік құралдарына техникалық қызмет көрсету және жөндеуге – 13,3%, қоғамдық тамақтандыру қызметтеріне 12,7% жоғарылады. Жолаушылар темір жол көлігімен жол жүру – 24,7%, қалалық автобуспен – 11,1%, жолаушылар әуе көлігімен 9,6% қымбаттады. Тұрғын үйді жалға алу төлемі 15,3% өсті.

Баға деңгейі зергерлік бұйымдар және сағаттарға – 27,7%, жаңа жеңіл автомобильдерге – 27,1%, дыбыс-бейне шолу жабдығына – 23,6%, еденге арналған кілемдер мен кілемдік жабындарға – 14,1%, киім және аяқ киімге – 11%, ірі тұрмыстық керек-жарақтарға – 10,9%, жиһаз және үйге қажетті заттарға 10,3% өсті. Сұйытылған газ баллондағы – 23,6%, ағаш 14,6% қымбаттады.

Бағаның өсуі картопқа – 79%, басты пиязға – 63,8%, қырыққабатқа – 46,8%, күнбағыс майына – 20,8%, минералды және ауыз суға – 16,8%, банандарға – 16,7%, қызанақтарға – 14,1%, кондитерлік өнімдерге – 13,5%, сиыр етіне – 13,2%, алкогольді ішімдіктер және темекі өнімдеріне – 12,7%, салқындатылған сусындарға – 12%, сары май, қамырдан жасалған өнімдерге – 11,4%-дан, қой еті, балық және теңіз өнімдеріне – 11,1%-дан, жеміс және көкөніс шырындарға – 10,6%, қиярларға 10% белгіленді. Бағаның төмендеуі қарақұмық жармасына – 15,1%, күрішке – 6,9% жұмыртқаларға 5,6% байқалды.

Өңірлер бөлінісінде 2025 жылғы сәуірде инфляция орташа республикалық деңгейден асатын бес өңірде қалыптасты, олардың ішінде ең жоғары – Астана қаласында (13,8%), Қарағанды (12,8%), Ақмола (11,8%) облыстарында.

Инфляция – бұл халық жеке тұтыну үшін сатып алатын тауарлар мен қызметтердің белгіленген тізіміне бағаның орташа деңгейінің уақыт бойынша өзгеруін сипаттайтын көрсеткіш.

Салым – көрсеткіш бойынша пайыздық өзгерістің инфляцияның жалпы мәніне әсер ету.

Инфляция деңгейін сипаттайтын тұтыну бағаларының индексі халық жеке тұтыну үшін сатып алатын тауарлар мен қызметтерге бағаның жалпы деңгейінің уақыт бойынша өзгеруін көрсетеді.

Тұтыну бағаларының индексін есептеу екі көзден алынған ақпарат негізінде жүргізіледі:

• осы мақсаттар үшін арнайы іріктелген сауда нүктелерінде және қызмет көрсету орындарында оларды тікелей тіркеу арқылы жиналған бағалардың өзгеруі туралы деректер;
• халықтың нақты тұтыну шығыстарының құрылымы бөлігінде үй шаруашылықтарын зерттеу материалдары.

Бағалардың өзгеруі туралы ақпарат жинау қалалар мен аудан орталықтарының іріктемелі тобы бойынша, барлық облыс орталықтарында, республикалық маңызы бар қалаларда және астанада жүзеге асырылады. Сауда және қызмет көрсету саласының базалық кәсіпорындарын таңдау жергілікті жерлерде жүзеге асырылады. Зерттеуге әртүрлі сауда жағдайлары бар және жаппай сұранысқа ие тауарларды (қызметтерді) үнемі өткізетін кәсіпорындар ұсынылуы үшін сауданың және ақылы қызметтердің барлық түрлерінің объектілері іріктеледі.

Тұтыну бағаларын байқау және ТБИ есептеу үшін тауарлар мен қызметтер жиынтығы Қазақстанның барлық өңірлері үшін олардың бірыңғай іріктемесін білдіреді. Тауарлар мен қызметтердің тізімі 508 позициядан тұрады, оған халықтың тұтынуында ең көп үлес салмағын алатын ең өкілді түрлер кіреді.

Бағалар туралы ақпарат жинауды баға тіркеушілері тауарды (көрсетілетін қызметті) өткізу орындарында тікелей жүргізеді. Тексеру жүргізілген күні төленген тауарлардың бағасы, салықтарды қоса алғанда, бірақ оларды жеткізгені үшін қосымша алымдарды қоспағанда тіркеледі.

• Тұтыну бағаларының индексі және туынды көрсеткіштер
• Қазақстан Республикасындағы жекелеген тауарлар мен көрсетілетін қызметтердің бөлшек сауда бағалары
• Қазақстан Республикасындағы әлеуметтік маңызы бар азық-түлік тауарларына баға индексі және орташа бағалар