Қазақстан Республикасы Стратегиялық жоспарлау және реформалар агенттігінің
Ұлттық статистика бюросы
Көлік статистикасы Өңірлік бөліністе 2026 жылғы қаңтар-қазанда жүк айналымының өсуі Астана (3,3%), Шымкент (2,2%), Алматы (0,7%), Жетісу облысы (10,9%), Қызылорда (7,7%), Абай облысы (7,5%), Ақтөбе (3%), Ұлытау облысы (2,9%), Ақмола (2%), Қостанай (1,8%), Түркістан (1,2%), Шығыс Қазақстан (1,3%), Қарағанды (0,9%), Жамбыл (0,8%) және Маңғыстау (0,2%) облыстарында байқалады.
Жолаушылар айналымы Алматы (24,6%), Шымкент (22%) қалаларында, Қостанай (61,9%), Алматы (16,8%), Ақмола (15%), Жетісу облысы (12,4%), Солтүстік Қазақстан (12%), Қарағанды (10,6%), Батыс Қазақстан (9,7%), Ақтөбе (8,2%) Жамбыл (3,2%) облыстарында және Абай облысында (0,8%) ұлғайды.
| Жүк айналымы | Жолаушылар айналымы | |
| Қазақстан Республикасы | 100,3 | 108,1 |
| Абай | 107,5 | 100,8 |
| Ақмола | 102,0 | 115,0 |
| Ақтөбе | 103,0 | 108,2 |
| Алматы | 98,2 | 116,8 |
| Атырау | 94,9 | 69,2 |
| БатысҚазақстан | 98,9 | 109,7 |
| Жамбыл | 100,8 | 103,2 |
| Жетісу | 110,9 | 112,4 |
| Қарағанды | 100,9 | 110,6 |
| Қостанай | 101,8 | 161,9 |
| Қызылорда | 107,7 | 95,8 |
| Маңғыстау | 100,2 | 97,4 |
| Павлодар | 86,7 | 97,0 |
| СолтүстікҚазақстан | 97,7 | 112,0 |
| Түркістан | 101,2 | 93,7 |
| Ұлытау | 102,9 | 84,3 |
| Шығыс Қазақстан | 101,3 | 85,9 |
| Астана қаласы | 103,3 | 99,9 |
| Алматы қаласы | 100,7 | 124,6 |
| Шымкент қаласы | 102,2 | 122,0 |
2026 жылғы қаңтар-қазанда республика темір жол көлігімен 279,2 млн. тонна жүк тасымалданды, бұл 2025 жылғы қаңтар-қазан деңгейінен 1,1%-ға төмендеді, осы кезеңде жүк айналымы 245,4 млрд. т-км құрады (2025 жылғы қаңтар-қазанмен салыстырғанда 0,8%-ға өсті), 15,7 млн. жолаушы тасымалданды (2025 жылғы қаңтар-қазанға қарағанда 3,9%-ға кем), жолаушылар айналымы 13,3 млрд. ж-км құрады (2025 жылғы қаңтар-қазанға қарағанда 0,7%-ға төмендеді).
2026 жылғы қаңтар-қазанда өткен жылдың сәйкес кезеңімен салыстырғанда автомобиль көлігімен жүк тасымалдау 4,8%-ға өсті және автомобиль көлігінің жүк айналымы 5,9%-ға ұлғайғаны байқалады. Бұл ретте жолаушыларды тасымалдау және жолаушылар айналымы тиісінше 2,9% және 9,5%-ға ұлғайды.
2026 жылғы қаңтар-қазанда 211,2 млн. тонна жүк тасымалданды (2025 жылғы қаңтар-қазанға қарағанда 1,8%-ға кем), жүк айналымы 142,0 млрд.т-км құрады (2025 жылғы қаңтар-қазанмен салыстырғанда 2,1%-ға кеміді).
2026 жылғы қаңтар-қазанда республиканың әуе көлігімен 13,8 млн. жолаушы тасымалданды (2025 жылғы қаңтар-қазанмен салыстырғанда 5,3%-ға өсті), жолаушылар айналымы 28,2 млрд. ж-км құрады (2025 жылғы қаңтар-қазанмен салыстырғанда 10,7%-ға ұлғайды).
2026 жылдың қаңтар-қазан айларында ішкі су көлігімен 313,5 мың тонна жүк тасымалданды, бұл 2025 жылдың қаңтар-қазан айларымен салыстырғанда 1,6 есеге көп.
2026 жылғы қаңтар-қазанда теңіз көлігімен 3 335,4 мың тонна жүк тасымалданды, 2025 жылғы қаңтар-қазанмен салыстырғанда 5,6% ұлғайғаны байқалады, жүк айналымы 1 728,5 млн. т-км құрады және 2025 жылғы қаңтар-қазанмен салыстырғанда 18,2% ұлғайды.
Тасымалданған жүктер – көлікпен тасымалданған тоннадағы жүктер саны.
Көліктің жүк айналымы – жүктерді тасымалдау бойынша көлік жұмыстарының көлемі, тонна-километрмен тұлғаланады. Тасымалданатын жүктің әрбір партиясының (жөнелтудің) салмағын оны тасымалдау арақашықтығына көбейтудің жиынтықталуы арқылы анықталады.
Жолаушылар тасымалдау – белгілі бір уақыт кезеңінде тасымалданған жолаушылар саны. Көлік, қатынас түрлері бойынша ескеріледі. Жолаушыларды тасымалдау статистикасындағы байқау бірлігі жолаушы-сапары болып саналады.
Көліктің жолаушылар айналымы – жолаушыларды тасымалдау бойынша жұмыс көлемі. Өлшем бірлігі-жолаушы-километр, яғни 1 жолаушынының 1 километр қашықтыққа орын ауыстыру болып табылады. Әр тасымалдаудың жолаушылар санының туындыларын километрмен тасымалдау қашықтығына қосу арқылы анықталады.
Нақты көлем индексі – есепті кезеңдегі жүк және жолаушылар тасымалының сандық көлемдерінің базиспен салыстырғанда өзгеруін сипаттайтын салыстырмалы көрсеткіш және жүктер мен жолаушыларды тасымалдаудан түсетін кірістердің орташа өлшенген өсу қарқыны негізінде есептеледі.
Шығарылымда 1-көлік айлық нысаны бойынша есеп берген, негізгі қызмет түрі – көлік (ЭҚЖС-ның коды – 49-51) болып табылатын кәсіпорындардың жұмысы, жолаушыларды және жүктерді коммерциялық негізде тасымалдауды жүзеге асыратын экономиканың басқа да салаларындағы кәсіпорындар көрсетілген, сондай-ақ коммерциялық негізде автомобиль көлігінде жүктерді және жолаушыларды тасымалдауды жүзеге асыратын, тоқсандық нысандар бойынша есеп берген дара кәсіпкерлер: 1-ЖК (автожүк), 1-ЖК (автожолаушылар).
