Қазақстан Республикасы Стратегиялық жоспарлау және реформалар агенттігінің
Ұлттық статистика бюросы
Көлік Өңірлік бөліністе 2026 жылғы қаңтар-тамызда жүк айналымының өсуі Астана (5,2%), Шымкент (1,3%), Абай облысы (9,2%), Жетісу облысы (13%), Қызылорда (10%), Ақтөбе (4,3%), Ұлытау облысы (3,9%), Ақмола (2,7%), Қостанай (2,6%), Түркістан (2,6%), Шығыс Қазақстан (1,5%), Батыс Қазақстан (1,4%), Жамбыл (1%), Маңғыстау (0,7%) және Қарағанды (0,3%) облыстарында байқалады.
Жолаушылар айналымы Алматы (22,6%), Шымкент (21%) қалаларында, Қостанай (67,9%), Алматы (16,7%), Ақмола (16,2%), Жетісу облысы (12,4%), Батыс Қазақстан (11,9%), Қарағанды (11,7%), Солтүстік Қазақстан (9,1%), Ақтөбе (6,8%) және Жамбыл (5,8%) облыстарында ұлғайды.
| Жүк айналымы | Жолаушылар айналымы | |
| Қазақстан Республикасы | 100,8 | 107,0 |
| Абай | 109,2 | 101,3 |
| Ақмола | 102,7 | 116,2 |
| Ақтөбе | 104,3 | 106,8 |
| Алматы | 97,4 | 116,7 |
| Атырау | 94,3 | 65,6 |
| БатысҚазақстан | 101,4 | 111,9 |
| Жамбыл | 101,0 | 105,8 |
| Жетісу | 113,0 | 112,4 |
| Қарағанды | 100,3 | 111,7 |
| Қостанай | 102,6 | 167,9 |
| Қызылорда | 110,0 | 94,6 |
| Маңғыстау | 100,7 | 96,5 |
| Павлодар | 88,3 | 96,4 |
| СолтүстікҚазақстан | 99,0 | 109,1 |
| Түркістан | 102,6 | 94,8 |
| Ұлытау | 103,9 | 85,3 |
| Шығыс Қазақстан | 101,5 | 86,0 |
| Астана қаласы | 105,2 | 98,8 |
| Алматы қаласы | 99,4 | 122,6 |
| Шымкент қаласы | 101,3 | 121,0 |
2026 жылғы қаңтар-тамызда республика темір жол көлігімен 218,8 млн. тонна жүк тасымалданды, бұл 2025 жылғы қаңтар-тамыз деңгейінен 1,8%-ға төмендеді, осы кезеңде жүк айналымы 194,4 млрд. т-км құрады (2025 жылғы қаңтар-тамызбен салыстырғанда 1,7%-ға өсті), 13 млн. жолаушы тасымалданды (2025 жылғы қаңтар-тамызға қарағанда 3,9%-ға кем), жолаушылар айналымы 11 млрд. ж-км құрады (2025 жылғы қаңтар-тамызға қарағанда 0,1%-ға төмендеді).
2026 жылғы қаңтар-тамызда өткен жылдың сәйкес кезеңімен салыстырғанда автомобиль көлігімен жүк тасымалдау 5,2%-ға өсті және автомобиль көлігінің жүк айналымы 6,8%-ға ұлғайғаны байқалады. Бұл ретте жолаушыларды тасымалдау және жолаушылар айналымы тиісінше 3,9% және 8%-ға ұлғайды.
2026 жылғы қаңтар-тамызда 170,3 млн. тонна жүк тасымалданды (2025 жылғы қаңтар-тамызға қарағанда 2,3%-ға кем), жүк айналымы 114,6 млрд.т-км құрады (2025 жылғы қаңтар-тамызбен салыстырғанда 2,4%-ға кеміді).
2026 жылғы қаңтар-тамызда республиканың әуе көлігімен 11 млн. жолаушы тасымалданды (2025 жылғы қаңтар-тамызбен салыстырғанда 3,8%-ға өсті), жолаушылар айналымы 22,7 млрд. ж-км құрады (2025 жылғы қаңтар-тамызбен салыстырғанда 9,4%-ға ұлғайды).
2026 жылдың қаңтар-тамыз айларында ішкі су көлігімен 193,5 мың тонна жүк тасымалданды, бұл 2025 жылдың қаңтар-тамыз айларымен салыстырғанда 1,5 есеге көп.
2026 жылғы қаңтар-тамызда теңіз көлігімен 2 765,5 мың тонна жүк тасымалданды, 2025 жылғы қаңтар-тамызбен салыстырғанда 11,3% ұлғайғаны байқалады, жүк айналымы 1 410,1 млн. т-км құрады және 2025 жылғы қаңтар-тамызбен салыстырғанда 22,3% ұлғайды.
Тасымалданған жүктер – көлікпен тасымалданған тоннадағы жүктер саны.
Көліктің жүк айналымы – жүктерді тасымалдау бойынша көлік жұмыстарының көлемі, тонна-километрмен тұлғаланады. Тасымалданатын жүктің әрбір партиясының (жөнелтудің) салмағын оны тасымалдау арақашықтығына көбейтудің жиынтықталуы арқылы анықталады.
Жолаушылар тасымалдау – белгілі бір уақыт кезеңінде тасымалданған жолаушылар саны. Көлік, қатынас түрлері бойынша ескеріледі. Жолаушыларды тасымалдау статистикасындағы байқау бірлігі жолаушы-сапары болып саналады.
Көліктің жолаушылар айналымы – жолаушыларды тасымалдау бойынша жұмыс көлемі. Өлшем бірлігі-жолаушы-километр, яғни 1 жолаушынының 1 километр қашықтыққа орын ауыстыру болып табылады. Әр тасымалдаудың жолаушылар санының туындыларын километрмен тасымалдау қашықтығына қосу арқылы анықталады.
Нақты көлем индексі – есепті кезеңдегі жүк және жолаушылар тасымалының сандық көлемдерінің базиспен салыстырғанда өзгеруін сипаттайтын салыстырмалы көрсеткіш және жүктер мен жолаушыларды тасымалдаудан түсетін кірістердің орташа өлшенген өсу қарқыны негізінде есептеледі.
Шығарылымда 1-көлік айлық нысаны бойынша есеп берген, негізгі қызмет түрі – көлік (ЭҚЖС-ның коды – 49-51) болып табылатын кәсіпорындардың жұмысы, жолаушыларды және жүктерді коммерциялық негізде тасымалдауды жүзеге асыратын экономиканың басқа да салаларындағы кәсіпорындар көрсетілген, сондай-ақ коммерциялық негізде автомобиль көлігінде жүктерді және жолаушыларды тасымалдауды жүзеге асыратын, тоқсандық нысандар бойынша есеп берген дара кәсіпкерлер: 1-ЖК (автожүк), 1-ЖК (автожолаушылар).
