* Көрсеткіштің төмендеуі ДК субъектілерінің 2026 жылғы 1 қаңтардан бастап жаңа Салық Кодексі аясында енгізілген өзін-өзі жұмыспен қамтығандар үшін арнаулы салық режиміне өтуімен байланысты (Салық кодексінің 718-бабы).

Жыл сайын тіркелген заңды тұлғалар санының орта есеппен 4,1%-ға өскені байқалады, осылай соңғы он жылда (2016-2025 жылдары) олардың саны 383850-ден 549669 дейін (165819 бірлікке немесе 43,2%-ға) өсті. Осыған байланысты негізгі өсім шағын заңды тұлғалар есебінен орын алатындығын атап өту қажет, олардың саны жыл сайын тұрақты түрде орташа 4,1%-ға көбейді. Шағын кәсіпкерліктен бөлек, орта және ірі заңды тұлғалар серпіні тұрақсыз сипатқа ие. Соңғы онжылдықта, орта және ірі заңды тұлғалар санының жыл сайынғы өсуі аясында, 2017, 2019,2020 және 2023 жылдары олардың саны елеусіз түрде, бірақ (1,4%-ға, 3,1%-ға, 0,7%-ға және 0,8%-ға сәйкесінше) төмендеді.

2026 жылғы қыркүйекте тамыз айымен салыстырғанда, тіркелген заңды тұлғалар санының (0,4%-ға) көбейгені байқалады, өткен жылғы сәйкес кезеңмен салыстырғанда олардың саны 1,4%-ға көбейді. Жұмыс істеп тұрған заңды тұлғалар саны ағымдағы жылдың алдыңғы айымен салыстырғанда 0,2%-ға көбейді, ал өткен жылғы сәйкес кезеңмен салыстырғанда 4,6%-ға көбейгені байқалады. Жыл басынан бері экономикалық қызмет түрлері бойынша тіркелген заңды тұлғалар санының барынша басым бөлігі «Көтерме және бөлшек саудада сату; автомобильдерді және мотоциклдерді жөндеу» саласы бойынша сақталуда, 2026 жылғы 1 қазанда олардың үлесі 26,2%-ды құрайды. Екінші орында – «Құрылыс» (13,6%), үшінші орында – «Көрсетілетін қызметтердің өзге де түрлерін ұсыну» (10%). Осы үш қызмет түрінің жиынтық үлесі барлық тіркелген заңды тұлғалардың 49,8%-ын құрады.

2026 жылғы 1 қазандағы жағдай бойынша барынша көп тіркелген заңды тұлғалар саны Алматы қаласына (168275 немесе 30,1%), Астана (106053 немесе 19%) және Шымкент (29477 немесе 5,3%) тиесілі. Ең аз тіркелген заңды тұлғалар саны Ұлытау (2923 немесе 0,5%), Жетісу (8717 немесе 1,6%) және Абай (8789 немесе 1,6%) облыстарына тиесілі.

2026 жылғы қыркүйекте тамыз айымен салыстырғанда кейбір тіркелген дара кәсіпкерлік субъектілерінің (0,02%-ға) азайғаны байқалады, өткен жылғы сәйкес кезеңмен салыстырғанда олардың саны 12,8%-ға азайды. Сонымен қатар жұмыс істеп тұрған дара кәсіпкерлік субъектілер санының ағымдағы жылдың алдыңғы айымен салыстырғанда 0,4%-ға азайғаны байқалады және өткен жылмен салыстырғанда 11,9%-ға азайды. Жыл басынан бері экономикалық қызмет түрлері бойынша тіркелген дара кәсіпкерлік субъектілерінің барынша басым бөлігі «Көтерме және бөлшек саудада сату; автомобильдерді және мотоциклдерді жөндеу» саласы бойынша сақталуда, 2026 жылғы 1 қазанда олардың үлесі 38,3%-ды құрады. Екінші орында «Ауыл, орман және балық шаруашылығы» (14,8%), үшінші орында «Көрсетілетін қызметтердің өзге де түрлерін ұсыну» (13,9%). Осы үш қызмет түрінің жиынтық үлесі барлық тіркелген дара кәсіпкерлік субъектілердің 67,1%-ын құрайды.

* Көрсеткіштің төмендеуі ДК субъектілерінің 2026 жылғы 1 қаңтардан бастап жаңа Салық Кодексі аясында енгізілген өзін-өзі жұмыспен қамтығандар үшін арнаулы салық режиміне өтуімен байланысты (Салық кодексінің 718-бабы).

2026 жылғы 1 қазандағы жағдай бойынша тіркелген филиалдар мен шетелдік заңды тұлға филиалдарының саны 28817 бірлікті құрады, оның ішінде жұмыс істеп тұрғаны - 21868. Барынша көп тіркелген филиалдар мен шетелдік заңды тұлға филиалдарының саны Алматы қаласына (3737 немесе 13%) және Астана қаласына (3339 немесе 11,6%), және Түркістан облысына (1846 немесе 6,4%) тиесілі. Экономикалық қызмет түрлері бойынша тіркелген филиалдар мен шетелдік заңды тұлға филиалдарының барынша басым үлесі «Көрсетілетін қызметтердің өзге де түрлерін ұсыну» (12203 немесе 42,3%), «Көтерме және бөлшек саудада сату; автомобильдерді және мотоциклдерді жөндеу» (3531 немесе 12,3%) және «Кәсіби, ғылыми және техникалық қызмет» (2079 немесе 7,2%) салаларына жатады.

2026 жылғы 1 қазандағы жағдай бойынша шетелдік меншік нысанымен тіркелген заңды тұлғалар, филиалдар мен шетелдік заңды тұлғалардың филиалдары саны өткен жылғы сәйкес мерзіммен салыстырғанда 16,8%-ға көбейді. Бірлескен меншік нысанымен тіркелген заңды тұлғалар мен филиалдар 1,5%-ға азайды.

Экономикалық қызмет түрлері бөлінісінде шетелдік және бірлескен меншік нысанымен тіркелген заңды тұлғалар, филиалдар мен шетелдік заңды тұлға филиалдарының барынша басым үлесі «Көтерме және бөлшек саудада сату; автомобильдерді және мотоциклдерді жөндеу» – 34,2%, «Көрсетілетін қызметтердің өзге де түрлерін ұсыну» – 15,8%, «Құрылыс» – 11,6% салаларына тиесілі.

* Тіркелген заңды тұлғалар, филиалдар және шетелдік заңды тұлға филиалдары ең көп 10 көшбасшы ел.

2026 жылғы 1 қазандағы жағдай бойынша жұмыс істеп тұрған ШОК субъектілерінің саны өткен жылғы сәйкес мерзіммен салыстырғанда 9,1%-ға азайды. Жұмыс істеп тұрған ШОК субъектілерінің жалпы санындағы жеке кәсіпкерлердің үлесі 68,3%-ды, шағын кәсіпкерлік заңды тұлғалары – 19,5%, шаруа немесе фермер қожалықтары – 12,1%, орта кәсіпкерлік заңды тұлғалары – 0,1%-ды құрады.

Экономикалық қызмет түрлері бөлінісінде тіркелген шағын және орта кәсіпкерлік субъектілерінің барынша басым үлесі «Көтерме және бөлшек саудада сату; автомобильдерді және мотоциклдерді жөндеу» – 36,2%, «Ауыл, орман және балық шаруашылығы» – 12,8%, «Көрсетілетін қызметтердің өзге де түрлерін ұсыну» – 12,4% салаларына тиесілі.

• Заңды тұлғалардың жасы
• 35 жасқа дейін тіркелген және жұмыс істеп тұрған дара кәсіпкерлердің және меншік иелері (100%) 35 жасқа дейінгі болып табылатын заңды тұлғалардың саны

• Статистикалық бизнес-тіркелім ақпараттық жүйесін жүргізу және өзектендіру бойынша әдістемесі
• Шағын және орта кәсіпкерлік көрсеткіштерін есептеу әдістемесі
• Қазақстан Республикасының Кәсіпкерлік кодексі
• Салық және бюджетке төленетін басқа да төлемдер туралы (Салық кодексі)
• Респонденттердің алғашқы статистикалық деректерді тапсыру ережелері.
• Сәйкестендіру нөмірлерінің ұлттық тізілімдері туралы
• «Талдау» ақпараттық-талдамалы жүйесі/Статистика бөлімі/Кәсіпорындар статистикасы
• Сапа бойынша есеп
• «Экономикалық қызмет түрлері туралы есеп» статистикалық нысаны (1-СР индексі, жылына 1 рет).