*- жедел деректер (2025 жылғы Статистикалық жұмыс жоспарына сәйкес, ауыл шаруашылығының жалпы шығарылымы бойынша анықталған деректер 2025 жылдың 26 мамырында жарияланады).

2024 жылы мал мен құстың барлық түрлерінің тірідей салмақта шаруашылықта сойылғаны немесе союға өткізілгенінің көлемі 2023 жылмен салыстырғанда 3,9%-ға, сиыр сүтінің өндірісі тиісінше 4,5%, тауық жұмыртқасының өндірісі - 1,3%-ға ұлғайды.

2025 жылғы 1 қаңтардағы жағдай бойынша шаруашылықтардың барлық санаттарында жылқы саны 2024 жылдың сәйкес күнімен салыстырғанда – 13% өсті, түйе 5,9%, ірі қара мал 20,6%, қой мен ешкі 8,3%, құстың басы – 3,3% құрады. Шошқаның басы – 0,8% азайды.

Ауыл шаруашылығы құрылымдарына ауылшаруашылық кәсіпорындары мен дара кәсіпкерлер мен шаруа немесе фермер қожалықтары жатады.

Ауылшаруашылық кәсіпорны – ауыл шаруашылығы өнімдерін өндірумен, сақтаумен және қайта өңдеумен, ауыл шаруашылығы саласында қызмет көрсетумен айналысатын заңды тұлға немесе оның құрылымдық бөлімшесі;

Ауыл шаруашылығы малдары мен құстарының саны – есепті күнге шаруашылықтарда бар тірі мал мен құстың саны;

Жұртшылық шаруашылықтары – жеке қосалқы шаруашылықтар, ұжымдық бақтар мен бақшалар, саяжай телімдері. Жеке қосалқы шаруашылық – қызметі ауылды жерде және қала маңындағы аймақта орналасқан жер телімдерін өз мұқтаждықтарын қанағаттандыруға бағытталған жұртшылық шаруашылығы;

Мал мен құстың өнімділігі – малдың немесе құстың бір басына шаққандағы мал шаруашылығы өнімінің өндірісін сипаттайтын көрсеткіш;

Мал мен құсты шаруашылықта сою немесе союға өткізу – тікелей шаруашылықта немесе қасапханада мал мен құсты етті өз қажеттіліктеріне пайдалану үшін, ұйымдарға, кәсіпорындарға және шаруашылықтың қызметкерлеріне, соның ішінде баспа-бас мәмілелер бойынша сату немесе беру үшін сою, сондай-ақ мал мен құсты базарларды қоса алғанда тамақтандыру желілері (асханалар, мейрамханалар, дәмханалар), сауда желісі арқылы даярлау ұйымдарына, өңдеу кәсіпорындарына союға сату, сондай-ақ экспортқа шығару;

Мал шаруашылығының өнімін өндіру – ауыл шаруашылығы малдарын пайдалану нәтижесінде дайын өнім мен шикізат өндіру (сүт, жұмыртқа, жүн, тері), мал мен құстың барлық түрлерін шаруашылықта сою немесе союға өткізу, ара шаруашылығы және терісі бағалы аң шаруашылығы өнімдері;

Өлім-жітім – аурулардың, апаттардың, қызметкерлердің немқұрайлы қарауы және осыған ұқсас себептер нәтижесінде өлген және амалсыздан сойылған ауыл шаруашылығы малдары мен құстарының саны;

Төл – өлі туған төлді есепке алусыз, шаруашылыққа тиесілі аналықтардан туған тірі мал саны.

Мал шаруашылығы өнімдерін өндіру бойынша деректер және мал мен құстың саны мынадай түрде қалыптасады:

- ауыл шаруашылығы кәсіпорындары "Мал шаруашылығының жағдайы туралы есеп" №24-сх нысанының ай сайынғы есебі негізінде;

- дара кәсіпкерлер мен шаруа немесе фермер қожалықтары бойынша – негізіне: шаруа немесе фермер қожалықтарының электрондық шаруашылық бойынша есеп және мал шаруашылығы өнімдерін өндіру туралы іріктеп зерттеу деректері енгізілген есептер негізінде;

- жұртшылық шаруашылықтары бойынша – негізіне: электрондық шаруашылық бойынша есеп, мал шаруашылығы өнімдерін өндіру туралы жұртшылық шаруашылықтарын іріктеп зерттеу деректері енгізілген есептер негізінде.

Неғұрлым толық әдіснамалық түсініктемелер келесі сілтеме бойынша қол жетімді:

Мал шаруашылығы бойынша статистикалық көрсеткіштерді қалыптастыру әдістемесі

• Статистикалық жинақ «Қазақстан Республикасындағы ауыл, орман және балық шаруашылығы» статистикалық жинағы (жылдық)

• «Мал шаруашылығының жағдайы туралы есеп» (24-сх индексі, жылдық) статистикалық нысан
• «Шаруа немесе фермер қожалықтарында және жұртшылық шаруашылықтарында мал шаруашылығы өнімдерін өндіру» (А-008 индексі, тоқсандық) статистикалық нысан
• Сапа бойынша есептеу
• «Талдау» Ақпараттық-Талдамалық жүйесі/Статистика бөлімдері «Ауыл, орман, аңшылық және балық шаруашылығы»/ Мал шаруашылығы