Ұлттық статистика бюросы
Қазақстан Республикасы Стратегиялық жоспарлау және реформалар агенттігі
Деректерді алу нұсқаулығы
Қандай деректер базаларын сәйкестендірілмеген түрінде алуға болады?

Статистикалық жұмыс жоспарына сәйкес мемлекеттік статистика органдары қалыптастыратын барлық ресми статистикалық ақпаратты сәйкестендірілмеген түрінде алуға болады.

«Деректер базаларын сәйкестендірілмеген түрінде» қалай алады?

«Мемлекеттік статистика туралы» Қазақстан Республикасы Заңына сәйкес уәкілетті орган белгілеген тәртіппен деректер базаларын сәйкестендірілмеген түрінде ғылыми және ғылыми-техникалық қызметте пайдалану үшін ұсыну қағидаларын пайдалануға жол беріледі.

Зерттеушілер келесі құжаттарды ұсыну керек:
  1. Сұрау бойынша хат;
  2. Ғылыми және ғылыми-техникалық қызмет ұйымдары аккредиттеу туралы куәліктің көшірмесі қоса беріледі;
  3. Деректер базаларын сәйкестендірілмеген түрінде ғылыми және ғылыми-техникалық қызметте пайдалану үшін алуға өтінім (Қосымша 1);
  4. Деректер базаларын сәйкестендірілмеген түрінде жария етпеу және оны үшінші тұлғаларға беруді шектеу туралы міндеттеме (Қосымша 2);
  5. Сәйкестендірілмеген түрінде деректер базалары бар алмалы-салмалы жеткізгішті жою актісі (Қосымша 3).
Онлайн кеңесші