Деректерді алу нұсқаулығы - Қазақстан Республикасы Стратегиялық жоспарлау және реформалар агенттігі Ұлттық статистика бюросы

Қандай дерекқорларды сәйкестендірілмеген түрінде алуға болады?

Статистикалық нысандарда алынған немесе тіркелген деректерді сәйкестендірілмеген түрінде алуға болады.

Дерекқорларды сәйкестендірілмеген түрінде қалай алады?

«Мемлекеттік статистика туралы» Қазақстан Республикасы Заңына сәйкес дерекқорды ғылыми және ғылыми-техникалық қызметте Қазақстан Республикасының Ұлттық қауіпсіздік комитетімен келісу бойынша уәкілетті орган белгілеген тәртіппен, сәйкестендірілмеген түрінде ұсынуға және пайдалануға «Дерекқорды ғылыми және ғылыми-техникалық қызметте сәйкестендірілмеген түрінде пайдалану үшін ұсыну қағидаларымен» сәйкес жол беріледі.

Өтінім «Пайдаланушы кабинеті» арқылы қалыптастырылып жіберіледі және келесі құжаттарды қоса беріп отырып, электрондық цифрлық қолтаңбамен куәландырылады:

зерттеушінің деректемелерін (зерттеушінің тегі, аты, әкесінің аты (бар болған жағдайда), жеке куәлігінің нөмірі) көрсете отырып, ұйымның ресми хаты;
зерттеушінің жеке басын куәландыратын құжаттың көшірмесі;
дерекқорларды ғылыми және ғылыми-техникалық қызметте сәйкестендірілмеген түрінде пайдалану үшін алуға өтінім (Қосымша 1);
алушының дерекқорларды сәйкестендірілмеген түрінде жария етпеу және оны үшінші тұлғаларға беруді шектеу туралы міндеттемесі (Қосымша 2);
ұйымда ғылыми және ғылыми-техникалық қызметті жүзеге асыруға рұқсаттың болуын растайтын құжаттың көшірмесі (мемлекеттік лицензияның және білім беру қызметін жүргізу құқығына лицензияға қосымшалардың көшірмелері немесе аккредиттеу туралы куәліктің көшірмесі; қазақстандық ғалымдардың ұсыныс хаты және халықаралық дерекқордағы сәйкестендіру туралы анықтама).

Дерекқорды ғылыми және ғылыми-техникалық қызметте сәйкестендірілмеген түрінде алуға өтінім берілуі мүмкін:

Қазақстан Республикасындағы жоғары және жоғары оқу орнынан кейінгі білім беру бағдарламасын іске асыратын ұйымдардың;
Қазақстан Республикасындағы ғылыми және ғылыми-техникалық қызмет ұйымдарының;
ғылыми және ғылыми-техникалық қызметті жүргізу мақсатында халықаралық ұйымдардың біржолғы өтінімі негізінде жүзеге асырылады.

Осы Қағидалардың 3-тармағының 1) және 2) тармақшаларында көрсетілген ұйымдарға сәйкестендірілмеген түрінде дерекқор электрондық жеткізгіште (CD диск) беріледі немесе «Зерттеушінің кабинетінде» сәйкестендірілмеген түрінде дерекқормен жұмыс істеу мүмкіндігі беріледі.
Халықаралық ұйымдарға сәйкестендірілмеген түрінде дерекқорлармен тек «Зерттеушінің кабинетінде» жұмыс істеу мүмкіндігі беріледі.
Зертеушілердің кабинеттері келесі мекен-жайларда орналасқан:
Астана қаласы Желтоксан көшесі 22, 303 кабинет
Алматы қаласы Абай даңғылы 125, 201 кабинет

Зерттеушілер жұмыс аяқталғаннан кейін Бюроның www.stat.gov.kz. Интернет-ресурсында орналастыру үшін зерттеу нәтижесін ұсыну керек